पत्रकारमाथि सेनाको दुर्व्यवहारप्रति क्रान्तिकारी पत्रकार संघद्वारा भर्त्सना

काठमाण्डौं, २१ डिसेम्वर । शिवपुरीमा आशंकित सामूहिक चिहान फेला परेको प्रचार भएपछि समाचार संकलनका लागि मंसिर ५ गते सो स्थानमा पुगेका पत्रकारहरु खगेन्द्र पन्त, दीपेन्द्र कुँवर तथा फोटो पत्रकारद्वय सागर श्रेष्ठ र राजेश गुरुङमाथि नेपाली सेनाको गोरखनाथ गणका गणपति राजीव शाहले गरेको दुर्व्यहारप्रति क्रान्तिकारी पत्रकार संघले आफ्नो गम्भीर ध्यानाकर्षण भएको बताएको छ । संघद्वारा आज प्रकाशित विज्ञप्तीमा प्रेस स्वतन्त्रताको विरुद्धको उक्त हर्कतप्रति हामी घोर निन्दा एवम् भर्त्सना गर्दछौं भन्दै पत्रकारहरुले स्वतन्त्रढंगले समाचार संकलनमा जा“दा भएको यो दुर्व्यवहार र कर्णेलको अभिव्यक्तिले शाही शासनकालको स्मरण गराएको उल्लेख छ ।

संविधानसभा अगाडि जलविद्युत परियोजनाहरुको नयाँ संझौता नगर्न आग्रह

नेपाल सरकारले सञ्चालन गर्न लागेको पश्चिम सेती परियोजनाका सम्वन्धमा नेकपा माओवादीले आफ्नो गम्भिर ध्यानाकर्षा भएको जनाएको छ । नेपालको प्राकृतिक सम्पदाको समुचित संरक्षण, वितरण र उपयोग गर्नेबारे आजसम्म राज्यको प्रष्ट र स्वतन्त्र धारणा बन्न नसक्नुका कारण वैदेशिक स्वार्थ अभिप्रेरित हुन गई नेपाल पटकपटक ठगिंदै आएको बताउंदै माओवादीले मुलुक अत्यन्त जटिल र संक्रमणकालीन अवस्थामा रहेका बेला सात दलको सहमति विना र अन्तरिम व्यवस्थापिका संसदको प्राकृतिक स्रोत तथा साधन समितिको निर्णय विपरीत उक्त परियायोजनासंग सम्बन्धित सवै कार्यहरु गर्न नहुने आफ्नो पार्टीको धारणा र्सार्वजनिक गरेको छ ।

यसै वर्षभित्र संविधानसभा चुनाव गर्ने सहमति, काँगेसी एकाधिकारवादी सोंचका कारण बाँकी सहमति हुन सकेन

काठमाण्डौं/संवैधानिक संकटलाई हटाउन हिजो राती अबेरसम्म बालुवाटारमा बसेको सात राजनैतिक दलहरुको बैठकले संविधानसभाको चुनाव मंसिरबाट सारेर चैत्रसम्म गराउने शब्दाबली थपेर सहमति बमोजिम हिजै संविधान संशोधन गर्ने प्रस्ताव सदन लैजान सरकारलाई निर्देशन दिएको छ ।

'गणतन्त्र आउन त्यति सजिलो छैन'-प्रचण्ड

भैरहवा/नेकपा माओवादीका अध्यक्ष एवं जनमुक्ति सेना नेपालका सर्वोच्च कमाण्डर प्रचण्डले एकहप्ताभित्र राजनीतिक सहमति नभए संवैधानिक संकट आउने चेतावनी दिनुभएको छ । 'एक हप्ताभित्रै राजनीतिक सहमति खोज्नुपर्छ, नभए देशमा अराजकता आउनेछ' प्रचण्डले भन्नुभयो- 'हामी संकट नआओस् भन्नका लागि हरसम्भव प्रयासमा छौं । त्यस्तो सहमति हुन नसके सात दल भित्रैबाट निकास निकालिने छ ।'